«Shahardaǵy koronavırýs juqtyrǵan úshinshi naýqas osy shaǵyn aýdanda turǵan. Osy aýmaqta «sanıtarlyq-epıdemıologııalyq sharalar kúsheıtiletin bolady», dedi qalanyń bas sanıtarlyq dárigeri Ábdimanap Tólebaev.
Shymkenttiń bas sanıtarlyq dárigeri qala turǵyndarynan karantın sharalaryn qatań saqtaýdy suraıdy. Ári vırýstan saqtanýdyń tıimdi joly osy ekenin aıtyp otyr.
Esterińizge salar bolsaq, Shymkent qalasynda 1 sáýir kúni koronvırýs juqtyrǵan 1 azamat tirkeldi. Ol 51 jasar qala turǵyny edi.
Naýqas qazirgi ýaqytta Shymkent qalalyq juqpaly aýrýlar aýrahanasyna oqshaýlanyp, em qabyldaýda. Jaǵdaıy bir qalypty.
Dertti juqtyrǵan azamatpen qarym-qatynasta bolǵan adamdar anyqtalyp, oqshaýlaý jumystary júrgizilýde.
Shymkent